സൗഹൃദ ഇഫ്താർ സംഗമം

കൊച്ചി: ജമാഅത്തെ ഇസ്​ലാമി എറണാകുളം സിറ്റി ഘടകത്തിന്‍റെ ആഭിമുഖ്യത്തിൽ സമൂഹത്തിലെ വിവിധ മേഖലയിലുള്ളവരെ ഉൾപ്പെടുത്തി നടത്തി. സംസ്ഥാന വൈസ്​ പ്രസിഡന്‍റ്​ പി. മുജീബ്​ റഹ്​മാൻ റമദാൻ സന്ദേശം നൽകി. മതത്തെ വികാരമാക്കി മാറ്റി അതിർവരമ്പ്​ തീർക്കുന്ന ഈ കാലഘട്ടത്തിൽ മാനുഷിക മൂല്യങ്ങൾക്കുവേണ്ടി ഒറ്റക്കെട്ടായി കൈകോർത്ത്​ നിൽ​ക്കേണ്ടത്​ അനിവാര്യമാണെന്നും അതിക്രമങ്ങൾക്കുനേരെ ഉയരുന്ന അതിജീവനത്തിന്‍റെ ആർജവം സമൂഹത്തിന്​ ശുഭപ്രതീക്ഷയാണ്​ പകരുന്നതെന്നും അദ്ദേഹം പറഞ്ഞു. എം.പി. ഫൈസൽ അസ്​ഹരി അധ്യക്ഷത വഹിച്ചു. പ്രതിപക്ഷ നേതാവ്​ വി.ഡി. സതീശൻ, എം.എൽ.എമാരായ ടി.ജെ. വിനോദ്​, എൽദോസ്​ കുന്നപ്പിള്ളി, അൻവർ സാദത്ത്​, ജസ്റ്റിസ്​ കെ. സുകുമാരൻ, ജസ്റ്റിസ്​ പി.കെ. ഷംസുദ്ദീൻ, ജസ്റ്റിസ്​ സി.കെ. അബ്​ദുൽറഹീം, ചാവറ കൾചറൽ സെന്‍റർ ഡയറക്​ടർ തോമസ്​ പുതു​ശ്ശേരി, സ്വാമി തനിമോഹൻ ജ്ഞാനതപസ്വി, മാർ സ്ലീബാ കോർ എപ്പിസ്​കോപ്പ, ഫാ. പോൾ തേലക്കാട്ട്​, ഫാ. തോമസ്​ തറയിൽ, സലാഹുദ്ദീൻ മദനി, എച്ച്​.ഇ. മുഹമ്മദ്​ ബാബു സേഠ്​, സംവിധാകയകൻ സിദ്ദീഖ്​, മേജർ രവി, മുൻ മേയർ സൗമിനി ജയിൻ, പ്രഫ. കെ. അരവിന്ദാക്ഷൻ, രംഗദാസ​പ്രഭു, കര​യോഗം പ്രസിഡന്‍റ്​ പി. രാമച​​ന്ദ്രൻ തുടങ്ങിയവർ സംബന്ധിച്ചു.