മാലിന്യസംസ്കരണ ഉപകരണങ്ങൾ വിതരണം ചെയ്തു

മൂവാറ്റുപുഴ: നഗരസഭയിലെ ഒമ്പതാം വാർഡ് മാലിന്യമുക്തമാക്കാൻ നടപടിയുമായി വാർഡ് കൗൺസിലർ. ബയോഗ്യാസ് പ്ലാന്റും ബയോ കമ്പോസ്റ്ററും സബ്സിഡി തുകപോലും ഈടാക്കാതെ സ്വന്തം കൈയിൽനിന്ന്​ പണം മുടക്കി വാങ്ങിയാണ് വാർഡിലെ കുടുംബങ്ങൾക്ക്​ കൗൺസിലർ പി.എം. അബ്ദുൽ സലാം നൽകിയത്. കൗൺസിലർ എന്ന നിലയിലെ ശമ്പളമാണ് ഇതിന്​ നൽകിയത്. നഗരമധ്യത്തിലെ ഏറ്റവും ജനസാന്ദ്രതയേറിയ സ്ഥലത്ത് സ്ഥിതിചെയ്യുന്ന വാർഡിൽ നൂറ്റമ്പതിലധികം കുടുംബങ്ങളാണ് തിങ്ങി താമസിക്കുന്നത്. രണ്ടും മൂന്നും സെന്റ് സ്ഥലത്താണ്​ മിക്കവീടുകളും ഉള്ളത്. ഇവർക്ക്​ മാലിന്യം​ സംസ്കരിക്കാൻ സൗകര്യമില്ല. ഇതു മുന്നിൽക്കണ്ടാണ് എല്ലാ കുടുംബങ്ങൾക്കും മാലിന്യസംസ്കരണ സംവിധാനങ്ങൾ നൽകിയത്. ചിത്രം. ബയോ കമ്പോസ്റ്റർ വിതരണം ആരോഗ്യ സ്ഥിരം സമിതി ചെയർമാൻകൂടിയായ വാർഡ് കൗൺസിലർ കെ.എം. അബ്ദുൽ സലാം വിതരണം ചെയ്യുന്നു Em Mvpa 3 West