കെ-റെയില്‍: ജനങ്ങളുടെ അടിസ്ഥാന പ്രശ്നങ്ങളില്‍നിന്നുള്ള സര്‍ക്കാര്‍ ഒളിച്ചോട്ടം -ഷാഫി പറമ്പില്‍

പാറക്കടവ്: കെ-റെയിലിന്‍റെ മറവില്‍ പിണറായി സര്‍ക്കാര്‍ ജനങ്ങളെ വഞ്ചിക്കുന്ന ഗൂഢതന്ത്രങ്ങളാണ് ആവിഷ്കരിച്ചിട്ടുള്ളതെന്ന് യൂത്ത് കോണ്‍ഗ്രസ് സംസ്ഥാന പ്രസിഡന്‍റ് ഷാഫി പറമ്പില്‍ എം.എല്‍.എ. 'കെ-റെയില്‍ വേണ്ട, കേരളം മതി' മുദ്രാവാക്യമുയര്‍ത്തി പാറക്കടവ് പഞ്ചായത്തിലെ പദ്ധതി പ്രദേശത്ത് യൂത്ത് കോണ്‍ഗ്രസ് ജില്ല കമ്മിറ്റി സംഘടിപ്പിച്ച കെ-റെയില്‍ വിരുദ്ധ യുവജനയാത്ര പുളിയനം കവലയില്‍ ഉദ്ഘാടനം ചെയ്യുകയായിരുന്നു അദ്ദേഹം. അടിസ്ഥാന പ്രശ്നങ്ങളില്‍നിന്ന് ജനങ്ങളുടെ ശ്രദ്ധ തിരിക്കാനും പിന്നിട്ട വമ്പന്‍ അഴിമതികള്‍ മറയ്ക്കാനുമാണ് സര്‍ക്കാര്‍ ശ്രമം -ഷാഫി പറമ്പില്‍ പറഞ്ഞു. ജാഥ ക്യാപ്റ്റനും ജില്ല പ്രസിഡന്‍റുമായ ടിറ്റോ ആന്‍റണിക്ക് ഷാഫി പറമ്പില്‍ പതാക കൈമാറി. യൂത്ത് കോണ്‍ഗ്രസ് ബ്ലോക്ക് പ്രസിഡന്‍റ് ലൈജു ഈരാളി അധ്യക്ഷത വഹിച്ചു. എം.പിമാരായ ബെന്നി ബഹനാന്‍, ജെബി മേത്തര്‍, എം.എല്‍.എമാരായ റോജി എം. ജോണ്‍, അന്‍വര്‍ സാദത്ത്, മുന്‍ എം.എല്‍.എമാരായ പി.ജെ. ജോയി, എം.എ. ചന്ദ്രശേഖരൻ, യൂത്ത് കോണ്‍ഗ്രസ് സംസ്ഥാന ഭാരവാഹികളായ ദീപക് ജോയി, അബിന്‍ വര്‍ക്കി, ലിന്‍റോ പി. ആന്‍റു, അരുണ്‍കുമാര്‍, ജിന്‍ഷാദ് ജിന്നാസ്, അഫ്സല്‍ നമ്പ്യാരത്ത്, ഒ.ജെ. ജെനീഷ്, അഷ്കര്‍ പനയപ്പിള്ളി, അബ്ദുൽ റഷീദ്, ഷാന്‍ മുഹമ്മദ് എന്നിവര്‍ സംസാരിച്ചു. കോണ്‍ഗ്രസ്, യൂത്ത് കോണ്‍ഗ്രസ് വിവിധ ഭാരവാഹികള്‍ നേതൃത്വം നല്‍കി. ER ANKA 01 K.RAIL കെ-റെയില്‍ പദ്ധതിക്കെതിരെ പാറക്കടവ് പഞ്ചായത്തിലെ പുളിയനത്ത് യൂത്ത് കോണ്‍ഗ്രസ് ജില്ല കമ്മിറ്റി ആഭിമുഖ്യത്തില്‍ സംഘടിപ്പിച്ച കെ-റെയില്‍ വിരുദ്ധ യുവജനയാത്ര യൂത്ത് കോണ്‍ഗ്രസ് സംസ്ഥാന പ്രസിഡന്‍റ് ഷാഫി പറമ്പില്‍ എം.എല്‍.എ ഉദ്ഘാടനം ചെയ്യുന്നു