കേരള സർവകലാശാല വാർത്തകൾ

പരീക്ഷ ഫലം തിരുവനന്തപുരം: 2021 ഡിസംബറിൽ നടത്തിയ ഒമ്പതാം സെമസ്റ്റർ ഇന്‍റഗ്രേറ്റഡ് പഞ്ചവത്സര ബി.എ.എൽഎൽ.ബി, ബി.കോം.എൽഎൽ.ബി, ബി.ബി.എ.എൽഎൽ.ബി പരീക്ഷ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനക്കും ഏപ്രിൽ 20 വരെ അപേക്ഷിക്കാം. ടൈംടേബിൾ ഏപ്രിൽ 29ന് ആരംഭിക്കുന്ന രണ്ടാം സെമസ്റ്റർ എം.സി.എ (റെഗുലർ - 2020 സ്​കീം - 2020 അഡ്മിഷൻ) പരീക്ഷ ടൈംടേബിൾ പ്രസിദ്ധീകരിച്ചു. മധ്യവേനൽ അവധി സർവകലാശാലക്ക്​ കീഴിലുള്ള എല്ലാ അഫിലിയേറ്റഡ് കോളജുകളിലും 2021-22 അധ്യയന വർഷത്തെ മധ്യവേനൽ അവധി ഏപ്രിൽ ഒന്നു മുതൽ മേയ് 31 വരെയാണ്​. ഇക്കാലയളവിൽ എല്ലാ അധ്യാപകരും നിലവിലെ യു.ജി./പി.ജി സെമസ്റ്ററുകളുടെ ബാക്കി ക്ലാസുകൾ സൗകര്യപ്രദമായ രീതിയിൽ (ഓഫ്​ലൈൻ/ഓൺലൈൻ) നടത്തണം. മധ്യവേനൽ അവധിക്കാലത്ത് പരീക്ഷ ചുമതലകൾ നിർവഹിക്കാൻ നിയോഗിക്കപ്പെടുന്ന അധ്യാപകർ വീഴ്ച കൂടാതെ ചെയ്യണം.