പൈപ്പ് പൊട്ടി കുടിവെള്ളം മുടങ്ങി

കടുങ്ങല്ലൂർ: കുടിവെള്ള വിതരണ പൈപ്പ് പൊട്ടിയതിനെ തുടർന്ന് ശുദ്ധജല വിതരണം മുടങ്ങി. മുപ്പത്തടം ജലശുദ്ധീകരണ ശാലയിൽനിന്ന് യു.സിയിലെ ടാങ്കിലേക്ക് പമ്പ് ചെയ്യുന്ന പൈപ്പാണ് പൊട്ടിയത്. 200 എം.എം എ.സി പൈപ്പിനാണ് തിങ്കളാഴ്ച രാവിലെ തകരാർ സംഭവിച്ചത്. കടുങ്ങല്ലൂർ പഞ്ചായത്ത് ഓഫിസിന്​ സമീപമാണ് പൈപ്പ് പൊട്ടിയത്. ഇതേ തുടർന്ന് ജലവിതരണം നിലച്ചു. രണ്ട് ദിവസത്തേക്ക് പമ്പിങ് തടസ്സപ്പെടുന്നതാണെന്ന് അധികൃതർ അറിയിച്ചു.