ബൈക്ക്​ മോഷ്ടിച്ചയാൾ അറസ്​റ്റിൽ

photo - ER IMMANUAL ANTONY കൊച്ചി: നെയ്യാറ്റിൻകരയിൽനിന്ന്​ ബൈക്ക്​ മോഷ്ടിച്ച കേസിലെ പ്രതി എറണാകുളത്ത്‌ അറസ്​റ്റിൽ. എറണാകുളം അയ്യപ്പൻകാവ്‌ സ്വദേശി നുണ്ടപ്പറമ്പിൽ ഇമ്മാനുവൽ ആന്റണിയെ ബൈക്ക്‌ മോഷ്ടിച്ചതിന്‌ എറണാകുളം സൗത്ത്‌ പൊലീസ്‌ അറസ്‌റ്റ്​ ചെയ്‌തു. മോഷ്ടിച്ച വാഹനത്തിൽ യാത്രചെയ്യവെ ചിലവന്നൂർ റോഡ്‌ സെന്‍റ്​ ജയിംസ്‌ കപ്പേളക്ക്​ സമീപം ബൈക്ക്‌ അപകടത്തിൽപെട്ടു. തുടർന്ന്‌ പ്രതിയെ ചോദ്യംചെയ്‌തപ്പോഴാണ്‌ മോഷണവിവരം അറിഞ്ഞത്‌. മോഷണത്തിന്‌ നെയ്യാറ്റിൻകര പൊലീസ്‌ കേസെടുത്തിരുന്നു.