ഏലൂർ മുനിസിപ്പാലിറ്റി സെമി ഫൈനലിൽ സെമി ഫൈനലിൽ

ആലുവ: നഗരസഭയുടെ ശതാബ്ദി ആഘോഷങ്ങളുടെ ഭാഗമായി തദ്ദേശ സ്വയംഭരണ സ്ഥാപനങ്ങളെ പങ്കെടുപ്പിച്ച് സംഘടിപ്പിക്കുന്ന ശതാബ്ദി കപ്പ് ഫുട്ബാൾ ടൂർണമെന്‍റിൽ ഏലൂർ മുനിസിപ്പാലിറ്റി സെമി ഫൈനലിൽ പ്രവേശിച്ചു. ശനിയാഴ്ച നടന്ന ആദ്യ ക്വാർട്ടർ ഫൈനലിൽ പെരുമ്പാവൂർ മുനിസിപ്പാലിറ്റിയും ഏലൂർ മുനിസിപ്പാലിറ്റിയും തമ്മിലായിരുന്നു മത്സരം. നിശ്ചിത സമയത്ത് ഇരുടീമുകളും ഓരോ ഗോൾ നേടി സമനില പാലിച്ചു. തുടർന്ന് ടൈബ്രേക്കറിലൂടെ മൂന്നിനെതിരെ അഞ്ച് ഗോളുകൾക്കാണ് വിജയം നേടിയത്. ഞായറാഴ്ച രണ്ടാം ക്വാർട്ടർ ഫൈനലിൽ കൊച്ചി കോർപറേഷൻ ശ്രീമൂലനഗരം പഞ്ചായത്തിനെ നേരിടും.