സ്വര്‍ണമാല ഉടമക്ക് തിരികെ നല്‍കി

കാലടി: പ്രഭാത സവാരിക്കിടെ വഴിയില്‍ കളഞ്ഞുകിട്ടിയ ഒരുപവ‍ൻെറ മാല ഉടമക്ക് തിരികെ നല്‍കി കാഞ്ഞൂര്‍ സ്വദേശികള്‍ മാതൃകയായി. കാഞ്ഞൂര്‍ പഞ്ചായത്ത് തട്ടാന്‍പടിയില്‍ അല്ലലഞ്ഞില്‍ വീട്ടില്‍ വിജയന്‍, സുരേഷ് എന്നിവര്‍ക്കാണ് തട്ടാന്‍പടി ഭാഗത്തുനിന്ന് ശനിയാഴ്ച രാവിലെ മാല കിട്ടിയത്. കാഞ്ഞൂര്‍ പഞ്ചായത്ത് മെംബര്‍ ജിഷി ഷാജുവിനെയും സി.പി.എം കാഞ്ഞൂര്‍ തട്ടാന്‍പടി ബ്രാഞ്ച് സെക്രട്ടറി ജോമോന്‍ പാപ്പച്ചനെയും ഇവര്‍ വിവരം അറിയിച്ചു. സമൂഹ മാധ്യമത്തിലും അറിയിപ്പ് നല്‍കി. തുടര്‍ന്ന് സ്വര്‍ണമാല നഷ്ടപ്പെട്ട ഉടമയെ തിരിച്ചറിഞ്ഞു. തട്ടാന്‍പടി സ്വദേശി പരിയാക്കര വീട്ടില്‍ ഉഷയുടേതായിരുന്നു മാല. പൊലീസ് സ്​റ്റേഷനില്‍ മാല കൈമാറി. ചിത്രം: കളഞ്ഞുകിട്ടിയ സ്വര്‍ണമാല യുവാക്കൾ കാലടി പൊലീസി‍ൻെറ സാന്നിധ്യത്തില്‍ ഉടമക്ക് കൈമാറുന്നു