ഓപറേഷൻ വാഹിനിക്ക് തുടക്കം

പല്ലാരിമംഗലം: കാലവർഷം എത്തുംമുമ്പേ തോടുകളിലെ സ്വാഭാവിക നീരൊഴുക്ക് തടസ്സപ്പെടുത്തുന്ന എക്കൽ, പ്ലാസ്റ്റിക് മാലിന്യങ്ങൾ, ചപ്പുചവറുകൾ എന്നിവ നീക്കംചെയ്ത് നീരൊഴുക്ക് സുഗമമാക്കുന്നതിനായി നടപ്പാക്കുന്ന 'ഓപറേഷൻ വാഹിനി' പല്ലാരിമംഗലം പഞ്ചായത്തിൽ ആരംഭിച്ചു. ആറാം വാർഡിൽ പരീക്കണ്ണി പരുത്തിമാലി തോട്ടിൽ വൈസ് പ്രസിഡന്‍റ്​ ഒ.ഇ. അബ്ബാസ് ഉദ്​ഘാടനം നിർവഹിച്ചു. വികസനകാര്യ സ്ഥിരം സമിതി അധ്യക്ഷ സഫിയ സലിം അധ്യക്ഷത വഹിച്ചു. വാർഡ് മെംബർമാരായ കെ.എം. അബ്ദുൾ കരീം,സീനത്ത് മൈതീൻ, അബൂബക്കർ മാങ്കുളം, കെ.എം. മൈതീൻ, എ.എ. രമണൻ, പഞ്ചായത്ത് സെക്രട്ടറി എം.എം. ഷംസുദ്ദീൻ എന്നിവർ സംസാരിച്ചു.