മണ്ണെണ്ണ വിലക്കയറ്റം: നടപടി സ്വീകരിക്കണമെന്ന് മത്സ്യത്തൊഴിലാളി ഐക്യവേദി

കൊച്ചി: മണ്ണെണ്ണ വിലക്കയറ്റത്തിൽനിന്ന് മത്സ്യമേഖലയെ സംരക്ഷിക്കുന്നതിന് സർക്കാർ നടപടി സ്വീകരിക്കണമെന്ന് മത്സ്യത്തൊഴിലാളി ഐക്യവേദി പ്രസിഡന്‍റ്​ ചാൾസ് ജോർജും സെക്രട്ടറി എൻ.എ. ജെയ്നും പ്രസ്താവനയിൽ ആവശ്യപ്പെട്ടു. ഒറ്റദിവസംകൊണ്ട് 22 രൂപ വർധിപ്പിച്ച കേന്ദ്രസർക്കാർ നടപടി പിൻവലിക്കണം. സംസ്ഥാന സർക്കാറാകട്ടെ കഴിഞ്ഞ വർഷത്തെ ബജറ്റിൽ 25 രൂപക്ക് വള്ളങ്ങൾക്ക് മണ്ണെണ്ണ നൽകുമെന്നാണ് പ്രഖ്യാപിച്ചത്. ഈ പ്രഖ്യാപനം നടപ്പാക്കാനുള്ള ഉത്തരവാദിത്തം സംസ്ഥാന സർക്കാറിനുണ്ടെന്നും പ്രസ്താവനയിൽ ചൂണ്ടിക്കാട്ടി.