ഓട്ടോയും ബൈക്കും കൂട്ടിയിടിച്ച്​ ബൈക്ക് യാത്രികൻ മരിച്ചു

PTD Suraj 31 ADR സുരാജ് അടൂർ: കായംകുളം-പത്തനാപുരം സംസ്ഥാനപാതയിൽ ഓട്ടോയും ബൈക്കും കൂട്ടിയിടിച്ച് ബൈക്ക് യാത്രികൻ മരിച്ചു. അടൂർ പറന്തൽ മിത്രപുരം സൂര്യഭവനിൽ സുരേന്ദ്രന്‍റെ മകൻ സുരാജാണ്​ (31) മരിച്ചത്. ബുധനാഴ്ച പുലർച്ച 12.30 നാണ് അപകടം. അലുമിനിയം ഫാബ്രിക്കേഷൻ പണി ചെയ്യുന്ന സുരാജ് ഒപ്പം ജോലി ചെയ്യുന്ന ആളുടെ സഹോദരിയുടെ വിവാഹത്തലേന്ന് ഒരുക്കത്തിൽ സഹായിച്ചശേഷം ഏഴംകുളത്തുനിന്ന്​ വീട്ടിലേക്ക് മടങ്ങവെയാണ്​ അപകടം. അടൂർ ജനറൽ ആശുപത്രിയിൽ എത്തിച്ചെങ്കിലും മരിച്ചു. ഓട്ടോ ഡ്രൈവർ കൊടുമൺ അയ്ക്കുന്നത്ത് വടക്കേതിൽ സലീഷ്ഭവനിൽ സജനീഷിനെ (31) പൊലീസ് അറസ്റ്റ് ചെയ്തു. സുരാജിന്‍റെ മാതാവ്: ലീലാമ്മ. സഹോദരി: സൂര്യ (ബംഗളൂരു).