മതിൽക്കെട്ടിലെ മൺകൂന ഭീഷണിയാകുന്നു

കളമശ്ശേരി: നിർമാണസ്ഥലത്തുനിന്ന്​ നീക്കം ചെയ്യുന്ന മണ്ണ് റോഡരികിൽ മതിൽക്കെട്ടിൽ കൂട്ടിയിട്ടിരിക്കുന്നത് വാഹനങ്ങൾക്കും കാൽനടക്കാർക്കും ഭീഷണിയാകുന്നു. ഏലൂരിൽ ഫാക്ട് ഈസ്റ്റേൺ സ്കൂൾ-ഇ.എസ്.ഐ ഡിസ്​പെൻസറി റോഡിന് സമീപം മതിൽക്കെട്ടിൽ കുന്നുകൂട്ടിയ മൺകൂനയാണ് ഭീഷണിയാകുന്നത്. നൂറുകണക്കിന് വിദ്യാർഥികൾ കാൽനടയായി കടന്നുപോകുന്ന റോഡരികിലാണ് മൺകൂന. ഏതുസമയത്തും ഇടിഞ്ഞുവീഴാവുന്ന നിലയിലാണ് മതിൽക്കെട്ട്. മണ്ണിന്‍റെ സമ്മർദത്താൽ മതിലിന്‍റെ ഒരുഭാഗം വിണ്ടതിനാൽ റോഡിൽനിന്ന്​ കമ്പുകൊണ്ട് താങ്ങ് നൽകിയിരിക്കുകയാണ്.