ലഹരിവിരുദ്ധ സെമിനാറും തെരുവുനാടകവും

കോതമംഗലം: കുത്തുകുഴി വലിയപാറ ലാൽജി പബ്ലിക് ലൈബ്രറിയുടെ നേതൃത്വത്തിൽ ലഹരി വിരുദ്ധ സെമിനാറും തെരുവുനാടകവും നടത്തി. സെമിനാർ ഗ്രന്ഥശാല സംഘം ജില്ല സെക്രട്ടറി പി.കെ. സോമൻ ഉദ്ഘാടനം ചെയ്തു. അനിൽ പിറവം സെമിനാർ നയിച്ചു. ലൈബ്രറി പ്രസിഡന്‍റ്​ ഹാൻസ് പി. ജോസ് അധ്യക്ഷത വഹിച്ചു. സെക്രട്ടറി എം.വി. സാന്‍റു, ഗ്രന്ഥശാല താലൂക്ക് പ്രസിഡന്‍റ്​ മനോജ് നാരായണൻ, റോസിലി ഷിബു, പി.ആർ. ഉണ്ണികൃഷ്ണൻ, സാലി വർഗീസ്, കെ.പി. മോഹനൻ എന്നിവർ സംസാരിച്ചു.