വീട്ടുവളപ്പിൽ മത്സ്യകൃഷി പ്രോത്സാഹന പദ്ധതി തുടങ്ങി

അങ്കമാലി: ഫിഷറീസ് വകുപ്പ്​ സഹകരണത്തോടെ ജില്ല പഞ്ചായത്ത് ജനകീയാസൂത്രണ പദ്ധതി പ്രകാരം വീട്ടുവളപ്പിലെ കുളങ്ങളിൽ മത്സ്യകൃഷിക്ക് നൽകുന്ന ധനസഹായ പദ്ധതി കറുകുറ്റി പഞ്ചായത്തിൽ തുടക്കമായി. ഏഴാറ്റുമുഖത്ത് ജോബി പാലാട്ടിയുടെ വീട്ടുവളപ്പിലെ പടുതക്കുളത്തില്‍ മീന്‍ കുഞ്ഞുങ്ങളെ നിക്ഷേപിച്ച്‌ ജില്ല പഞ്ചായത്ത് വൈസ് പ്രസിഡന്റ് ഷൈനി ജോര്‍ജ് പദ്ധതി ഉദ്ഘാടനം ചെയ്തു. കറുകുറ്റി ഗ്രാമപഞ്ചായത്ത് പ്രസിഡന്റ് ലതിക ശശികുമാര്‍ അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് ഷൈജോ പറമ്പി, അയ്യമ്പുഴ ഗ്രാമപഞ്ചായത്ത് വൈസ് പ്രസിഡന്റ് ബിന്‍സി ബിജു, അങ്കമാലി ബ്ലോക്ക് പഞ്ചായത്ത്​ അംഗം റാണി പോളി, ഗ്രാമപഞ്ചായത്ത്​ അംഗം ജോണി മൈപ്പാന്‍ തുടങ്ങിയവര്‍ സംസാരിച്ചു. EA ANKA 1 FISh. വീട്ടുവളപ്പിലെ കുളത്തിൽ മത്സ്യക്കുഞ്ഞുങ്ങളെ നിക്ഷേപിക്കുന്ന പദ്ധതി ജില്ല പഞ്ചായത്ത് വൈസ് പ്രസിഡൻറ് ഷൈനി ജോർജ് ഉദ്ഘാടനം ചെയ്യുന്നു