തുറവൂർ കുടുംബാരോഗ്യ കേന്ദ്രത്തിൽ ഹോർമോൺ അനലൈസർ

അങ്കമാലി: തുറവൂര്‍ പഞ്ചായത്തിലെ കുടുംബാരോഗ്യകേന്ദ്രത്തിൽ ഹോര്‍മോണ്‍ അനലൈസർ പ്രവർത്തനം ആരംഭിച്ചു. റോജി എം. ജോൺ എം.എല്‍.എയുടെ പ്രാദേശിക വികസന ഫണ്ടില്‍നിന്ന് 8.96 ലക്ഷം ചെലവിലാണ് പദ്ധതി നടപ്പാക്കുന്നത്. തൈറോയ്ഡ് പരിശോധനക്ക് മെഷീന്‍ ഏറെ സഹായകമാണ്. ഹോര്‍മോണ്‍ അനലൈസര്‍ സംവിധാനമുള്ള ജില്ലയിലെ രണ്ടാമത്തെ കുടുംബാരോഗ്യകേന്ദ്രമാണ് തുറവൂരിലേത്. ഉദ്ഘാടനം എം.എൽ.എ നിർവഹിച്ചു. തുറവൂര്‍ ഗ്രാമപഞ്ചായത്ത് പ്രസിഡന്‍റ് ജിനി രാജീവ് അധ്യക്ഷത വഹിച്ചു. ജില്ല പഞ്ചായത്ത്​ അംഗം അനിമോള്‍ ബേബി, പഞ്ചായത്ത് വൈസ് പ്രസിഡന്‍റ് റോയി സെബാസ്റ്റ്യന്‍, സ്ഥിരം സമിതി അധ്യക്ഷരായ എം.പി. മാർട്ടിന്‍, ജെസി ജോയി, സീന ജിജോ, മെഡിക്കല്‍ ഓഫിസര്‍ ഡോ. അരുണ്‍കുമാര്‍ തുടങ്ങിയവർ സംസാരിച്ചു. EA ANKA 2 Hospital തുറവൂർ കുടുംബാരോഗ്യ കേന്ദ്രത്തിൽ ആരംഭിച്ച ഹോര്‍മോണ്‍ അനലൈസറിന്റെ പ്രവർത്തനോദ്ഘാടനം റോജി എം. ജോൺ എം.എൽ.എ നിർവഹിക്കുന്നു