റോ റോ -ജലശയന സമരം സംഘടിപ്പിച്ചു

വൈപ്പിൻ: സേതുസാഗർ 2 റോ റോയുടെ അറ്റകുറ്റപ്പണി നടത്താത്തതിൽ പ്രതിഷേധിച്ച് വൈപ്പിൻ ഫോർട്ട്കൊച്ചി പാസഞ്ചേഴ്​സ് അസോസിയേഷൻ ജലശയന സമരം സംഘടിപ്പിച്ചു. മുൻ മേയർ കെ.ജെ. സോഹൻ ഉദ്ഘാടനം ചെയ്തു. കോർപറേഷനും കെ.എസ്.എൻ.സിയും തമ്മിൽ വ്യക്തമായ എഗ്രിമെന്റ് ഇല്ലാത്തതിനാലാണ് വരുമാനത്തിന്റെ കണക്ക് കോർപറേഷന് ലഭിക്കാത്തത്. സംയുക്ത അക്കൗണ്ട് വേണമെന്ന എഗ്രിമെന്റ് നിർദേശം നടപ്പാക്കണമെന്നും അദ്ദേഹം ആവശ്യപ്പെട്ടു. പാസഞ്ചേഴ്​സ് അസോസിയേഷൻ കൺവീനർ എ. ജലാൽ ജലശയനം നടത്തി. അസോസിയേഷൻ പ്രസിഡന്റ്‌ ഫ്രാൻസിസ് ചമ്മണി അധ്യക്ഷത വഹിച്ചു. ജനുവരി 30ന് ഫിറ്റ്നസ് കാലാവധി അവസാനിച്ചതിനാൽ 31 മുതൽ സേതു സാഗർ 2 റോ റോ വൈപ്പിൻ ജെട്ടിയിൽ മാറ്റി കെട്ടിയിരിക്കുകയാണ്. നഗരസഭ പ്രതിപക്ഷ നേതാവ് ആന്റണി കുരീത്തറ, സക്കറിയ ഫെർണാണ്ടസ്, ജോർജ് നാനാട്ട്, ബേസിൽ മുക്കത്ത്, പോൾ ജെ മാമ്പിള്ളി, ജെയിംസ് തറമേൽ, മുജീബ് റഹ്‌മാൻ, തോമസ് ജൂഡ്, കെ.എക്സ് ആന്റണി എന്നിവർ സംസാരിച്ചു. Jalasayana samaram റോ റോയുടെ അറ്റകുറ്റപ്പണിനടത്താത്തതിൽ പ്രതിഷേധിച്ച് വൈപ്പിൻ ഫോർട്ട്കൊച്ചി പാസഞ്ചേഴ്​സ് അസോസിയേഷൻ സംഘടിപ്പിച്ച ജലശയന സമരം