ഊര്‍ജ സാക്ഷരതയും ഊര്‍ജ സ്വാതന്ത്ര്യവും അനിവാര്യം -ഡോ. ചേതന്‍ സോളങ്കി

കളമശ്ശേരി: ഭാവിയിലെ വലിയ ദുരന്തങ്ങളില്‍നിന്ന്​ രക്ഷനേടാന്‍ മനുഷ്യര്‍ ഊര്‍ജ സാക്ഷരതയും ഊര്‍ജ സ്വാതന്ത്ര്യവും നേടുക എന്നത് അനിവാര്യമാണെന്ന് ഇന്ത്യയുടെ സോളാര്‍ മാന്‍ ഡോ. ചേതന്‍ സിങ് സോളങ്കി പറഞ്ഞു. സോളങ്കിയുടെ ഊര്‍ജ സ്വരാജ് യാത്രയുടെ ഭാഗമായ സോളാര്‍ ബസ് യാത്രക്ക്​ കൊച്ചി ശാസ്ത്ര സാങ്കേതിക സര്‍വകലാശാലയില്‍ നല്‍കിയ സ്വീകരണത്തില്‍ സംസാരിക്കുകയായിരുന്നു അദ്ദേഹം. സര്‍ക്കാര്‍തലത്തില്‍ ഊര്‍ജ ഉപഭോഗം സംബന്ധിക്കുന്ന പ്രവര്‍ത്തനങ്ങള്‍ക്ക് പരിമിതികള്‍ ഉണ്ടെന്നും ഓരോരുത്തരും ഊര്‍ജസ്വരാജ് പ്രാവര്‍ത്തികമാക്കാന്‍ പരിശ്രമിക്കണമെന്നും അദ്ദേഹം പറഞ്ഞു. കുസാറ്റ് സെന്റര്‍ ഫോര്‍ എക്സലന്‍സ് ഇന്‍ അഡ്വാന്‍സ്ഡ് മെറ്റീരിയലും ഫിസിക്സ് വകുപ്പും സംയുക്തമായി സംഘടിപ്പിച്ച പരിപാടി ഫിസിക്സ് വകുപ്പ് ഓഡിറ്റോറിയത്തില്‍ വി.സി ഡോ. കെ.എന്‍. മധുസൂദനന്‍ ഉദ്ഘാടനം ചെയ്തു. ER KALA 3 CUSATSOLENGY കുസാറ്റിലെത്തിയ ഡോ. ചേതന്‍ സിങ് സോളങ്കി സോളാര്‍ ബസിനൊപ്പം