'തോട്ടകം–പുഞ്ച കനാൽ റോഡ്: തർക്കം പരിഹരിക്കണം'

കാലടി: തോട്ടകം-പുഞ്ച കനാൽ റോഡ് സ്ലാബ് ഇടുന്നതുമായി ബന്ധപ്പെട്ട തർക്കം ഉടൻ പരിഹരിക്കണമെന്ന് കാലടി ഗ്രാമപഞ്ചായത്തിലെ പ്രതിപക്ഷ അംഗങ്ങൾ സ്ഥലം സന്ദർശിച്ച ശേഷം ആവശ്യപ്പെട്ടു. അശാസ്ത്രീയമായും അപകടം ക്ഷണിച്ചുവരുത്തുന്ന നിലയിലാണ് കാനയുടെ നിർമാണം നടന്നിട്ടുള്ളതെന്ന ആരോപണമാണ് പണി നിലക്കാൻ കാരണം. കാന തീർത്ത ഭാഗങ്ങളിൽ എത്രയും വേഗം സ്ലാബ് ഇടണം. പുറമ്പോക്ക് കണ്ടെത്തിയിട്ടും അത് എറ്റെടുക്കാനുള്ള നടപടി മെംബറുടെ ഭാഗത്തുനിന്ന് ഉണ്ടാകുന്നില്ലെന്നും പ്രദേശവാസികൾ പറയുന്നു. പഞ്ചായത്ത് അംഗങ്ങളായ പി.കെ. കുഞ്ഞപ്പൻ, പി.ബി. സജീവ്, സി.വി. സജേഷ് എന്നിവരാണ് സ്ഥലം സന്ദർശിച്ചത്. ചിത്രം-- തോട്ടകം-പുഞ്ച കനാൽ റോഡ് കാലടി ഗ്രാമപഞ്ചായത്ത് പ്രതിപക്ഷ അംഗങ്ങൾ സന്ദർശിക്കുന്നു