'വിലക്കയറ്റം നിയന്ത്രിക്കണം'

കൊച്ചി: ദിനംപ്രതി വർധിക്കുന്ന ഇന്ധനവിലയും നിർമാണ സാമഗ്രികളുടെ വിലയും ജനജീവിതം ദുഷ്കരമാക്കുന്നതായി കേരള മർച്ചന്റ്‌സ് ചേംബർ ഓഫ് കോമേഴ്‌സ് ഭാരവാഹികൾ പ്രസ്താവനയിൽ ആവശ്യപ്പെട്ടു. പെട്രോൾ, ഡീസൽ, പാചകവാതകം എന്നിവയുടെ അതിഭീമമായ വിലവർധന താങ്ങാനാവുന്നതല്ലെന്നും സംഘടന ഭാരവാഹികൾ പറഞ്ഞു. വിലവർധനക്ക്​ കടിഞ്ഞാണിടാൻ കേന്ദ്ര-സംസ്ഥാന സർക്കാറുകൾ തയാറാകാത്തത് പ്രതിഷേധാർഹമാണെന്ന് അവർ പറഞ്ഞു. ഡീസൽ വിലവർധനമൂലം ചരക്കുകടത്ത് കൂലി വർധിക്കുന്നത് കേരളത്തെ പ്രതികൂലമായി ബാധിക്കുമെന്നും വിലക്കയറ്റം നിയന്ത്രിക്കുന്നതിനുവേണ്ട നടപടി സ്വീകരിക്കണമെന്ന് സംഘടന പ്രസിഡന്റ് കെ.എം. മുഹമ്മദ് സഗീറും ജനറൽ സെക്രട്ടറി സോളമൻ ചെറുവത്തൂരും ആവശ്യപ്പെട്ടു.