മണ്ണെണ്ണ വിലവർധന വെല്ലുവിളി -മന്ത്രി സജി ചെറിയാൻ

ചെങ്ങന്നൂർ: മണ്ണെണ്ണ വില അനുദിനം വർധിപ്പിക്കുന്നത് സാധാരണക്കാരോടും പരമ്പരാഗത മത്സ്യത്തൊഴിലാളികളോടുമുള്ള വെല്ലുവിളിയാണെന്ന്​ മന്ത്രി സജി ചെറിയാൻ. എൻ.ഡി.എ സർക്കാർ അധികാരമേൽക്കുമ്പോൾ ഒരുലിറ്റര്‍ മണ്ണെണ്ണയുടെ പൊതുവിപണിയിലെ വില 56 രൂപയായിരുന്നത്​ ഇപ്പോൾ 124ൽ എത്തി. 2022 ജനുവരി 18ന് 92.96 രൂപയായിരുന്നു പൊതുവിപണിയിലെ വില. രണ്ടര മാസംകൊണ്ട് മണ്ണെണ്ണ വിലയില്‍ ഉണ്ടായ വർധന 30 രൂപയോളമാണ്. മണ്ണെണ്ണയുടെ വില പെട്രോളിന്റെയും ഡീസലിന്റെയും വിലയെക്കാൾ കൂടിനിൽക്കുന്ന സാഹചര്യം മുമ്പ് ഉണ്ടായിട്ടില്ലെന്നും മന്ത്രി വാർത്തക്കുറിപ്പിൽ ചൂണ്ടിക്കാട്ടി.