വിനോദസഞ്ചാരി ശൗചാലയത്തിൽ മരിച്ചനിലയിൽ

മറയൂർ: കാന്തല്ലൂരിൽ വിനോദ സഞ്ചാരത്തിനെത്തിയ യുവാവിനെ ശൗചാലയത്തിൽ മരിച്ചനിലയിൽ കണ്ടെത്തി. തമിഴ്നാട് വിരുതനഗർ ശ്രീവില്ലിപുത്തൂർ നാഗമംഗലം സ്വദേശി കാർത്തിക് സെൽവമാണ്​ (25) മരിച്ചത്. ഞായറാഴ്ച രാവിലെ കാന്തല്ലൂരിലെ റിസോർട്ടിൽ സുഹൃത്തുക്കളായ നാലുപേർക്കൊപ്പമാണ്​ കാർത്തിക്​ എത്തിയത്​. രാവിലെ എട്ടരയോടെ കുളിക്കാൻ ശൗചാലയത്തിൽ കയറി ഏറെസമയം കഴിഞ്ഞും പൈപ്പിൽനിന്ന്​ വെള്ളം ഒഴുകുന്ന ശബ്ദം കേട്ടതിനാൽ സുഹൃത്തുക്കൾ വിളിച്ചുനോക്കി. പ്രതികരണം ലഭിക്കാതായതോടെ കതക് പൊളിച്ചുനോക്കിയപ്പോഴാണ് മുറിയിൽ അനക്കമില്ലാതെ കണ്ടത്. മറയൂരിലെ സ്വകാര്യ ആശുപത്രിയിൽ മരണം സ്ഥിരീകരിച്ചു. മൃതദേഹം പോസ്റ്റ്​മോർട്ടത്തിന്​ കോട്ടയം മെഡിക്കൽ കോളജ്​ ആശുപത്രിയിലേക്ക് മാറ്റി. TDD KARTHIK SHELVAM കാർത്തിക് സെൽവം