ലോറിയിൽ കടത്തിയ പടക്കം പിടികൂടി; രണ്ടുപേർ അറസ്റ്റിൽ

പൂച്ചാക്കൽ: ലോറിയിൽ കടത്തിയ അഞ്ചുലക്ഷം രൂപയുടെ പടക്കം പിടികൂടി. തമിഴ്നാട് സ്വദേശികളായ ലോറി ഡ്രൈവർ, സഹായി എന്നിവരെ അറസ്റ്റുചെയ്തു. മാക്കേകവല-തൈക്കാട്ടുശ്ശേരി റോഡിൽ വ്യാഴാഴ്ച വൈകീട്ട് വാഹനപരിശോധന നടത്തുകയായിരുന്ന പൂച്ചാക്കൽ പൊലീസാണ് ചാക്കിൽ നിറച്ച പടക്കവുമായെത്തിയ ലോറി പിടികൂടിയത്. തെങ്കാശിയിൽനിന്ന്​ കേരളത്തിലെ വിവിധ ഭാഗങ്ങളിൽ വിതരണത്തിന്​ എത്തിച്ച പടക്കമാണ് പിടികൂടിയത്. ചിത്രം : പിടികൂടിയ പടക്കക്കെട്ടുകൾ പൂച്ചാക്കൽ: അനധികൃതമായി ലോറിയിൽ കൊണ്ടുവന്ന പടക്കശേഖരം പിടികൂടി. സംഭവുമായി ബന്ധപ്പെട്ട്​ തമിഴ്നാട് ശിവകാശി വിരുതനഗർ സ്വദേശികളായ ശെൽവകുമാർ (44), കറുപ്പസാമി (20) എന്നിവരെ അറസ്റ്റ് ചെയ്തു. ചേർത്തല ഡിവൈ.എസ്​.പി ടി.ബി. വിജയന് കിട്ടിയ വിവരത്തിന്റെ അടിസ്ഥാനത്തിലാണ് മാക്കേക്കവലക്കു സമീപം വെച്ച് പൂചാക്കൽ എസ്.ഐ കെ.ജെ ജേക്കബിന്റെ നേതൃത്വത്തിൽ തമിഴ്നാട് രജിസ്ട്രേഷനിലുള്ള ലോറി തടഞ്ഞ്​ പരിശോധന നടത്തിയത്. വാഹനത്തിൽ പെർമിറ്റില്ലാതെയാണ്​ സ്​ഫോടക വസ്തുക്കളും പടക്കങ്ങളും കൊണ്ടുവന്നത്. സംഭവത്തിന്‌ എക്സ്​പ്ലോസിവ്​ ആക്ട് പ്രകാരമാ ണു കേസ് രജിസ്റ്റർ ചെയ്തിരിക്കുന്നത്. പിടികൂടിയ വസ്തുക്കളും വാഹനവും പൂചാക്കൽ സ്റ്റേഷൻ പരിസരത്തേക്ക് മാറ്റി.