കീച്ചേരിപ്പടി-മുളവൂർ പി.ഒ ജങ്ഷൻ റോഡ് നവീകരിക്കണം

മൂവാറ്റുപുഴ: കീച്ചേരിപ്പടി-ആട്ടായം-മുളവൂർ പി.ഒ ജങ്ഷൻ റോഡ് ബി.എം ബി.സി നിലവാരത്തിൽ നവീകരിക്കണമെന്ന ആവശ്യം ശക്തമായി. കീച്ചേരിപ്പടി ജങ്​ഷനിൽനിന്ന്​ ആരംഭിച്ച് മുളവൂർ പി.ഒ ജങ്​ഷനിൽ അവസാനിക്കുന്ന ആറ് കി.മീ. ദൂരം റോഡ് ഈ രൂപത്തിൽ നവീകരിക്കുമെന്ന് പ്രഖ്യാപിച്ചിരുന്നു. റീബിൽഡ് കേരളയിൽപെടുത്തി 3.50 കോടി അനുവദിച്ചെന്നാണ്​ പറഞ്ഞിരുന്നത്. എന്നാൽ, തുടർനടപടി ഉണ്ടായില്ല. മൂവാറ്റുപുഴ നഗരസഭ, പായിപ്ര പഞ്ചായത്ത്​ പ്രദേശങ്ങളിലൂടെ കടന്നുപോകുന്ന റോഡിന്‍റെ ഒരുഭാഗം ജില്ല പഞ്ചായത്തിനുകീഴിലാണ്. ജില്ല പഞ്ചായത്തിനുകീഴിൽ വരുന്ന മൂന്ന്​ കി.മീ. ദൂരം തകർന്നുകിടക്കുകയാണ്.