വീട് നൽകി

മൂവാറ്റുപുഴ: സി.പി.എം കിഴക്കേക്കര ഈസ്റ്റ് ബ്രാഞ്ച് നിർമിച്ചുനൽകിയ കനിവ് ഭവനത്തിന്റെ താക്കോൽദാനം ജില്ല സെക്രട്ടറി സി.എൻ. മോഹനൻ നിർവഹിച്ചു. ആവോലി ലോക്കൽ കമ്മിറ്റിയിലെ കിഴക്കേക്കര കാഞ്ഞിരക്കാട്ട് കവലക്കുസമീപം വേലക്കോട്ട് വീട്ടിൽ സുബൈദക്കാണ് വീട്​ നൽകിയത്. യോഗത്തിൽ ബഷീർ കാഞ്ഞിരക്കാട്ട് അധ്യക്ഷത വഹിച്ചു. പി.ആർ. മുരളീധരൻ, കെ.പി. രാമചന്ദ്രൻ, എം.ജെ. ഫ്രാൻസിസ്, വി.കെ. ഉമ്മർ, ഷാലി ജെയിൻ, സജി ജോർജ്, പി.എം. മൻസൂർ, ശ്രീനി വേണു തുടങ്ങിയവർ സംസാരിച്ചു.