പണിമുടക്കിന്​ ഐക്യദാർഢ്യം

പല്ലാരിമംഗലം: സംയുക്ത സമരസമിതിയുടെ നേതൃത്വത്തിൽ രാജ്യവ്യാപകമായി നടക്കുന്ന 48 മണിക്കൂർ പൊതുപണിമുടക്കിന് ഐക്യദാർഢ്യം പ്രഖ്യാപിച്ച് മഹാത്മാഗാന്ധി ദേശീയ തൊഴിലുറപ്പ് തൊഴിലാളി യൂനിയൻ പല്ലാരിമംഗലം പഞ്ചായത്ത് കമ്മിറ്റി കൂവള്ളൂരിൽ നടത്തിയ യോഗം ഏരിയ വൈസ് പ്രസിഡന്‍റ്​ ഒ.ഇ. അബ്ബാസ് ഉദ്ഘാടനം ചെയ്തു. പല്ലാരിമംഗലം പഞ്ചായത്ത് കമ്മിറ്റി സെക്രട്ടറി സീനത്ത് മൈതീൻ അധ്യക്ഷത വഹിച്ചു. പഞ്ചായത്ത് സ്ഥിരം സമിതി ചെയർമാൻ കെ.എം. അബ്ദുൽ കരീം, ഏരിയ ജോയന്‍റ്​ സെക്രട്ടറി എ.എ. രമണൻ, ഏരിയ കമ്മിറ്റി അംഗം ഷാജിത സാദിഖ്, പി.കെ. മുഹമ്മദ് എന്നിവർ സംസാരിച്ചു.