ദേശീയ പണിമുടക്കിന് പി.ടി.യു.സി പിന്തുണ

കൊച്ചി: രണ്ടുദിവസത്തെ ദേശീയ പണിമുടക്കിന് പി.ഡി.പിയുടെ തൊഴിലാളി സംഘടനയായ പി.ടി.യു.സി പിന്തുണ നൽകുമെന്ന് സംസ്ഥാന പ്രസിഡന്റ് അഡ്വ. മുട്ടം നാസർ അറിയിച്ചു. തൊഴിലാളികളെ അടിമകളാക്കി തൊഴിൽ ചെയ്യിക്കാൻ കോർപറേറ്റുകൾക്ക് സ്വാതന്ത്ര്യം നൽകുന്ന നിയമങ്ങളാണ് മോദി സർക്കാർ നടപ്പാക്കുന്നതെന്നും സ്വകാര്യവത്​കരണവും സ്ഥാപനങ്ങളുടെ വിൽപനയും രാജ്യത്തിന്റെ സാമ്പത്തിക ഭദ്രതയെ തകർത്തുകൊണ്ടിരിക്കുകയാണെന്നും അദ്ദേഹം പറഞ്ഞു. സമരത്തിന് പി.ടി.യു.സിയുടെ സജീവസാന്നിധ്യം ഉണ്ടാകും -അദ്ദേഹം പറഞ്ഞു.