സംസ്ഥാന ജൂനിയർ വോളിബാൾ ചാമ്പ്യൻഷിപ് ആരംഭിച്ചു

പറവൂർ: ഗോതുരുത്ത് സെന്‍റ്​ സെബാസ്റ്റ്യൻസ് ഹയർ സെക്കൻഡറി സ്കൂൾ മൈതാനിയിൽ ആരംഭിച്ച സംസ്ഥാന ജൂനിയർ വോളിബാൾ ചാമ്പ്യൻഷിപ് വി.ആർ. സുനിൽകുമാർ എം.എൽ.എ ഉദ്ഘാടനം ചെയ്തു. ജില്ല വോളിബാൾ അസോസിയേഷൻ പ്രസിഡൻറ് ബിജോയ് ബാബു അധ്യക്ഷത വഹിച്ചു. സംഘാടകരായ സംസ്ഥാന വോളിബാൾ അസോസിയേഷ‍ൻെറ പതാക വൈസ് പ്രസിഡൻറ് ബി. ഷാജി, ജില്ല വോളിബാൾ അസോസിയേഷ‍ൻെറ പതാക പ്രസിഡൻറ് ബിജോയ് ബാബു, ഒളിമ്പിയ ഗോതുരുത്തി‍ൻെറ പതാക സെക്രട്ടറി എം.ഒ. ആന്റണി, സെന്റ് സെബാസ്റ്റ്യൻസ് വോളിബാൾ അക്കാദമിയുടെ പതാക പ്രസിഡൻറ് ജോബി തോമസ് എന്നിവർ ഉയർത്തി. ഫാ. തോമസ് കോളരിക്കൽ, ഫാ. ആന്റണി ചില്ലിട്ടശേരി, സി. സത്യൻ, ശശിധരൻ പനമ്പിള്ളി, ടി.ആർ. ബിന്നി ഫാ. മിഥുൻ മെൻഡസ്, ഹിൽഡ ഷീബ മെൻഡസ്, പി.ജെ. ജിബി, പി.സി. ഗേപിദാസ്, എ.കെ. ജയദേവൻ, ആൻഡ്രൂസ് കടുത്തൂസ്, ജിബിൻ ജോർജ് എന്നിവർ സംസാരിച്ചു. ദക്ഷിണ, ഉത്തര മേഖല ചാമ്പ്യൻഷിപ്പുകളിൽനിന്ന് തെരഞ്ഞെടുക്കപ്പെട്ട ടീമുകളാണ് മാറ്റുരക്കുന്നത്. വനിതകളുടെ ആദ്യ മത്സരത്തിൽ തൃശൂരിനെ പരാജയപ്പെടുത്തി എറണാകുളം ജേതാക്കളായി.