പ്രത്യേക പെൻഷൻ ഫണ്ട്‌: സർക്കാർ ഉത്തരവ് സർവകലാശാലകളെ തകർക്കാനെന്ന്​

കളമശ്ശേരി: സർവകലാശാലകളിൽ പ്രത്യേക പെൻഷൻ ഫണ്ട്‌ രൂപവത്​കരിക്കണമെന്ന സർക്കാർ ഉത്തരവ് കേരളത്തിലെ സർവകലാശാലകളെ തകർക്കാനാണെന്ന് കൊച്ചിൻ യൂനിവേഴ്സിറ്റി സർവിസ് പെൻഷനേഴ്‌സ് അസോസിയേഷൻ. ഉത്തരവിനെതിരെ പ്രതിഷേധസമരം നടത്താൻ തീരുമാനിച്ചു. സമ്മേളനത്തിൽ പ്രസിഡന്‍റ്​ ടി.കെ. വിശ്വംഭരൻ അധ്യക്ഷത വഹിച്ചു. ഡോ. കെ.സി. ശങ്കരനാരായണൻ, ഡോ. ഡി. രാജീവ്‌, ഡോ. എ.എ. സുധാകരൻ, കെ.കെ. അബ്ദുൽ അസീസ്, രാജേന്ദ്രൻ, ഉബൈദ് റഹ്മാൻ, എം.ഡി. പീതാംബരൻ, കെ.എം. ഇബ്രാഹിം, പ്രഭാകരൻ കുന്നത്ത്​ എന്നിവർ സംസാരിച്ചു.