കോഴി വളർത്തൽ പദ്ധതി ആരംഭിച്ചു

പറവൂർ: നഗരസഭയുടെ ജനകീയാസൂത്രണ പദ്ധതിയിൽ ഉൾപ്പെടുത്തി സബ്‌സിഡി നിരക്കിൽ മട്ടുപ്പാവിൽ മുട്ടക്കോഴി വളർത്തൽ പദ്ധതിക്ക് തുടക്കംകുറിച്ചു. നഗരസഭ വൈസ് ചെയർമാൻ എം.ജെ. രാജു ഉദ്ഘാടനം ചെയ്തു. വികസനകാര്യ സ്ഥിരം സമിതി ചെയർമാൻ ബീന ശശിധരൻ അധ്യക്ഷത വഹിച്ചു. ചടങ്ങിൽ സ്ഥിരം സമിതി അധ്യക്ഷൻ സജി നമ്പിയത്ത്, കൗൺസിലർമാരായ ടി.വി. നിധിൻ, ഇ.ജി. ശശി, ജഹാംഗീർ തോപ്പിൽ, സീനിയർ വെറ്ററിനറി സർജൻ ഡോ. മറിയാമ്മ തോമസ്, മുൻ കൗൺസിലർ ജലജ രവീന്ദ്രൻ എന്നിവർ സംസാരിച്ചു. പടം EA PVR mattupavil 6 പറവൂർ നഗരസഭ നടപ്പാക്കുന്ന മട്ടുപ്പാവിൽ മുട്ടക്കോഴി വളർത്തൽ പദ്ധതി വൈസ് ചെയർമാൻ എം.ജെ. രാജു ഉദ്ഘാടനം ചെയ്യുന്നു