'ഭൂരഹിത-ഭവനരഹിതരെ അവഗണിച്ചു'

കോതമംഗലം: നെല്ലിക്കുഴി ഗ്രാമപഞ്ചായത്തിൽ അവതരിപ്പിച്ച ബജറ്റ് ഭൂരഹിത-ഭവനരഹിതരെ അവഗണിച്ചുകൊണ്ടുള്ള കമീഷൻ പറ്റാനുള്ള തട്ടിപ്പാണെന്ന്​ പ്രതിപക്ഷം. ബജറ്റ് ദിശാബോധമില്ലാത്തതും പാവങ്ങളെ അവഗണിക്കുന്നതുമാണ്​. കുടിവെള്ള ക്ഷാമത്തിന് ശാശ്വത പരിഹാരം കാണാനുള്ള ഒരു പദ്ധതിയും ബജറ്റിൽ ഉൾക്കൊള്ളിച്ചിട്ടില്ല. ലൈഫ് ഭവനപദ്ധതിയിൽ സ്ഥലമില്ലാത്തവർക്ക് സ്ഥലം വാങ്ങുന്നതിനുള്ള ഫണ്ട് വകയിരുത്തിയിട്ടില്ല. പട്ടികജാതി വിഭാഗങ്ങൾക്ക്​ പ്രത്യേക പദ്ധതികൾ ഒന്നുമില്ലെന്നും യു.ഡി.എഫ് പാർലമെന്ററി നേതാവ്​ എം.വി. റെജി പറഞ്ഞു.