ക്രിക്കറ്റ് ടൂർണമെന്റ് ആരംഭിച്ചു

പള്ളുരുത്തി: ലഹരിക്കെതിരെ 'സേ നോ ടു ഡ്രഗ്സ്' സന്ദേശവുമായി ഓഷ്യൻ ക്രിക്കറ്റ് ക്ലബിന്‍റെ ആഭിമുഖ്യത്തിൽ പള്ളുരുത്തി അർജുനൻ മാസ്റ്റർ ഓപൺ എയർ മൈതാനത്ത് ഫ്ലഡ് ലൈറ്റ് ക്രിക്കറ്റ് ടൂർണമെന്‍റ്​ ആരംഭിച്ചു. കെ.ജെ. മാക്സി എം.എൽ.എ മത്സരം ഉദ്ഘാടനം ചെയ്തു. 32 ടീമാണ് മത്സരത്തിൽ പങ്കെടുക്കുന്നത്. ഞായറാഴ്ചവരെ നീളുന്ന ടൂർണമെന്‍റ്​ എല്ലാദിവസവും വൈകീട്ട് ആറിന് ആരംഭിക്കും. നഗരസഭ സ്ഥിരം സമിതി ചെയർമാൻ വി.എസ്. ശ്രീജിത്ത്, കൗൺസിലർ സി.ആർ. സുധീർ, എക്സൈസ് ഇൻസ്പെക്ടർ പി. ശ്രീരാജ് എന്നിവർ സംസാരിച്ചു. ചിത്രം: ലഹരിക്കെതിരെയുള്ള ക്രിക്കറ്റ് മത്സരം കെ.ജെ. മാക്സി എം.എൽ.എ ബാറ്റ് ചെയ്ത് ഉദ്ഘാടനം ചെയ്യുന്നു