റോഡിന്‍റെ ശോച്യാവസ്ഥ പരിഹരിക്കണമെന്നാവശ്യപ്പെട്ട് ധർണ

മട്ടാഞ്ചേരി: കുണ്ടും കുഴിയുമായി കിടക്കുന്ന പരിപ്പ്​ ജങ്​ഷൻ-കൂവപ്പാടം റോഡിന്‍റെ ശോച്യാവസ്ഥ പരിഹരിക്കണമെന്ന് ആവശ്യപ്പെട്ട്​ യു.ഡബ്ല്യു.ഇ.സി ഓട്ടോറിക്ഷ ഡ്രൈവേഴ്​സ്​ യൂനിയൻ പള്ളുരുത്തി ഏരിയ കമ്മിറ്റി പ്രതിഷേധ ധർണ സംഘടിപ്പിച്ചു. സംസ്ഥാന സെക്രട്ടറി റഷീദ് താനത്ത് ഉദ്ഘാടനം ചെയ്തു. ജില്ല സെക്രട്ടറി ആർ. സന്തോഷ് അധ്യക്ഷത വഹിച്ചു. കൗൺസിലർ ഷൈല തദേവൂസ്, പള്ളുരുത്തി ഏരിയ കമ്മിറ്റി പ്രസിഡന്‍റ്​ അരുൺകുമാർ, അനിത അഷറഫ്, ജാക്സൻ, സുഭാഷ്, നിഷിത്ത്, സൗഫിയ, വി.പി. തങ്കച്ചൻ, ജോപ്പൻ, തോമസ്, രാജൻ, ജുഡ്സൻ, നൗഷാദ്, ദേവിപ്രിയ, ടെൽ ബിൻ എന്നിവർ സംസാരിച്ചു.