എം.ഇ.എസ് കോളജിൽ കോമേഴ്സ് വിഭാഗം അസോസിയേഷൻ സംഘടിപ്പിച്ചു

കുന്നുകര: എം.ഇ.എസ് ടി.ഒ. അബ്ദുല്ല മെമ്മോറിയൽ കോളജിൽ കോമേഴ്സ് വിഭാഗം അസോസിയേഷൻ സംഘടിപ്പിച്ചു. 'സ്ത്രീശാക്തീകരണം' വിഷയത്തിൽ കൊച്ചി ഇൻഫിനിറ്റി ഹോസ്പിറ്റാലിറ്റി സർവിസ് ചീഫ് എക്സിക്യൂട്ടിവ് ഓഫിസർ നിർമല ലില്ലി ക്ലാസെടുത്തു. കുന്നുകര പഞ്ചായത്ത് നേതൃത്വത്തിൽ കുടുംബശ്രീ വനിതകൾക്കും ക്ലാസ് സംഘടിപ്പിച്ചു. ബോഡി ബിൽഡിങ് ചാമ്പ്യൻഷിപ്പിൽ മെഡൽ നേടിയ പി.എൻ. സനീറിനെയും സാമൂഹിക പ്രവർത്തക സുമയ്യയെയും ചടങ്ങിൽ ആദരിച്ചു. എം.ഇ.എസ് ജില്ല പ്രസിഡന്‍റ്​ കെ.എം. ലിയാഖത്ത് അലിഖാൻ യോഗം ഉദ്ഘാടനം ചെയ്തു. പ്രിൻസിപ്പൽ കെ. ഷാജി അധ്യക്ഷത വഹിച്ചു. കോളജ് മാനേജ്മെന്റ് കമ്മിറ്റി സെക്രട്ടറി ഇസ്മയിൽ ഖാൻ മുഖ്യപ്രഭാഷണം നടത്തി. വകുപ്പ് അധ്യക്ഷ റോണി റോസ്, മാനേജ്മെന്റ് കമ്മിറ്റി ട്രഷറർ ടി.കെ. ഇസ്മയിൽ, കോളജ് വൈസ് ചെയർമാൻ എ. ഹൈദ്രോസ്, ജോയന്റ് സെക്രട്ടറി സി.എ. സലാം, കോളജ് യൂനിയൻ ചെയർമാൻ മുഹമ്മദ് മുബിൻ എന്നിവർ സംസാരിച്ചു.