മുനമ്പം തിരുകുടുംബ ദൈവാലയത്തിൽ ഊട്ട് തിരുനാൾ

മുനമ്പം: തിരുക്കുടുംബ ദേവാലയത്തിലെ ഊട്ട് തിരുനാളിന് ആരംഭം കുറിച്ച് കൊടിയേറി. കോട്ടപ്പുറം സെന്‍റ്​ മൈക്കിൾസ് കത്തീഡ്രൽ വികാരി ഡോ. അംബ്രോസ് പുത്തൻവീട്ടിൽ ദിവ്യബലിക്ക് മുഖ്യ കാർമിത്വം വഹിച്ചു. റവ. ഫാ. ഫ്രാൻസൻ കുരിശിങ്കൽ വചന സന്ദേശം നൽകി. ഇടവക വികാരി ഫാ. ബിജു പാലപ്പറമ്പിൽ സഹകാർമികനായി. ശനി രാവിലെ ഒൻപതിന്​ തിരുനാൾ ദിവ്യബലിക്ക് കോട്ടപ്പുറം രൂപത വികാരി ജനറൽ മോൺ.ഡോ. ആന്‍റണി കുരിശിങ്കൽ മുഖ്യകാർമികത്വം വഹിക്കും. തിരുന്നാളിന് വികാരി ഫാ. ബിജു പാലപ്പറമ്പിലും കൺവീനർ ആൻസിലി പടമാടൻ, ഹെൻട്രി ഒളാട്ടുപുറത്ത്, ജോസഫ് പള്ളിപ്പറമ്പിൽ, കേന്ദ്ര സമിതി പ്രസിഡന്‍റ്​ സെബാസ്റ്റ്യൻ കാവലംകുഴി, പാരിഷ് കൗൺസിൽ സെക്രട്ടറി ക്ലീറ്റസ് പനക്കൽ എന്നിവർ നേതൃത്വം നൽകി.