തെരുവുവിളക്കുകൾ തെളിയാത്തതിൽ ഡി.വൈ.എഫ്.ഐ പ്രതിഷേധം

കാലടി: വിമാനത്താവള റോഡിൽ മറ്റൂർ-പിരാരൂർ ഭാഗത്ത് തെരുവുവിളക്കുകൾ തെളിയാത്തതിൽ പ്രതിഷേധം. ഡി.വൈ.എഫ്.ഐ നേതൃത്വത്തിൽ ചൂട്ടുകറ്റ കത്തിച്ച് പ്രതിഷേധപ്രകടനം നടത്തി. സി.പി.എം കാലടി ലോക്കൽ സെക്രട്ടറി കെ.ടി. ബേബി, ബ്ലോക്ക് പഞ്ചായത്ത്​ അംഗം സിജോ ചൊവ്വരാൻ, രാകേഷ് രവി, കെ.കെ. സഹദേവൻ തുടങ്ങിവർ നേതൃത്വം നൽകി. ഗ്രാമപഞ്ചായത്തിലെ 14, 15, 16, 17 വാർഡുകളിലൂടെയാണ് മറ്റൂർ-പിരാരൂർ എയർപോർട്ട് റോഡ് കടന്നുപോകുന്നത്. 50 എൽ.ഇ.ഡി ലൈറ്റുകൾ ഈ വഴിയിൽ സ്ഥാപിച്ചിട്ടുണ്ടെങ്കിലും ഒന്നും തെളിയുന്നില്ല. ചിത്രം-- മറ്റൂർ-പിരാരൂർ ഭാഗത്ത് തെരുവുവിളക്കുകൾ തെളിയാത്തതിൽ ഡി.വൈ.എഫ്.ഐ നടത്തിയ പ്രതിഷേധം