നെല്ലിക്കുഴിയിൽ തടിമില്ലിന് തീപിടിച്ചു

കോതമംഗലം: . വ്യാഴാഴ്ച പുലർച്ചയാണ് പൂക്കുഴി അബൂബക്കറിന്‍റെയും കുറ്റിച്ചിറ സിദ്ദീഖിന്‍റെയും ഉടമസ്ഥതയിലെ ബ്രദേഴ്സ് തടിമില്ലില്‍ തീപിടിത്തം ഉണ്ടായത്. പെരിയാർവാലി കനാലിനോട് ചേർന്നുള്ള മില്ലിൽനിന്ന്​ പുലര്‍ച്ച മൂന്നോടെ കനത്ത ചൂട് അനുഭവപ്പെട്ടതോടെ പരിസരത്തെ വീടുകളില്‍ താമസിച്ചവരാണ് ആദ്യം തീ ആളിപ്പടരുന്നത് കണ്ടത്. ഉടൻ ഉടമസ്ഥരെയും അഗ്​നിരക്ഷാസേനയെയും വിവരം അറിയിക്കുകയായിരുന്നു. കോതമംഗലത്തുനിന്നും പെരുമ്പാവൂരിൽനിന്നും ഫയർ എൻജിനുകൾ എത്തിയാണ് തീ അണച്ചത്. മില്ലിലെ മെഷിനറികള്‍, കെട്ടിടത്തിന്‍റെ മേല്‍ക്കൂര, തടികളും കത്തിനശിച്ചു. 10 ലക്ഷം രൂപയുടെ നാശനഷ്ടം ഉണ്ടായതായാണ് കണക്കാക്കുന്നത്. EM KMGM 1 Fair തടിമില്ലിന് തീപിടിച്ചപ്പോൾ