നിർത്തലാക്കിയ കെ.എസ്.ആർ.ടി.സി സർവിസുകൾ ഗ്രാമ വണ്ടി പദ്ധതിയിലുൾപ്പെടുത്തി പുനരാരംഭിക്കും -മന്ത്രി

കോതമംഗലം: കോവിഡ് പ്രതിസന്ധിയെത്തുടർന്ന് കോതമംഗലത്ത് നിർത്തലാക്കിയ കെ.എസ്.ആർ.ടി.സി സർവിസുകൾ ഗ്രാമ വണ്ടി പദ്ധതിയിലുൾപ്പെടുത്തി പുനരാരംഭിക്കുമെന്ന് ഗതാഗതമന്ത്രി ആന്റണി രാജു. നിയമസഭയിൽ ആന്‍റണി ജോൺ എം.എൽ.എ ഉന്നയിച്ച ചോദ്യത്തിന് മറുപടി പറയുകയായിരുന്നു മന്ത്രി. കോതമംഗലം ഡിപ്പോയിൽ എട്ട് സർവിസാണ് നിർത്തലാക്കിയത്​.