കുഴികണ്ടം കുളിക്കടവ്​ നിർമാണം പൂർത്തീകരിച്ചു

കോതമംഗലം: ബ്ലോക്ക്‌ പഞ്ചായത്തിന്റെ വാർഷിക പദ്ധതിയിൽ ഉൾപ്പെടുത്തി അഞ്ച് ലക്ഷം രൂപ ചെലവഴിച്ച് കുഴികണ്ടം കുളിക്കടവിന്റെ നിർമാണം പൂർത്തീകരിച്ചു. വാരപ്പെട്ടി പഞ്ചായത്തിൽ എട്ടാം വാർഡ് ഇളങ്ങവം കുഴികണ്ടം കുളിക്കടവ് ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് പി.എ.എം. ബഷീർ നിർവഹിച്ചു. വാരപ്പെട്ടി ഗ്രാമപഞ്ചായത്ത് പ്രസിഡന്റ് പി.കെ. ചന്ദ്രശേഖരൻ നായർ അധ്യക്ഷത വഹിച്ചു. ഡയാന നോബി, ബിന്ദു ശശി, ജോമി തെക്കേക്കര, സാലി ഐപ്പ്, ആനീസ് ഫ്രാൻസിസ്, കണ്ണൻ തുടങ്ങിയവർ പങ്കെടുത്തു.