യൂനിയൻ തെരഞ്ഞെടുപ്പിൽ നേട്ടവുമായി ഫ്രറ്റേണിറ്റി

കളമശ്ശേരി: എം.ജി യൂനിവേഴ്സിറ്റിക്ക് കീഴിലെ കോളജുകളിൽ നടന്ന യൂനിയൻ തെരഞ്ഞെടുപ്പിൽ മികച്ച നേട്ടവുമായി ഫ്രറ്റേണിറ്റി. അറക്കപ്പടി ജയ്ഭാരത്, തൃക്കാക്കര ബി.എം.സി, എം.ഇ.എസ് മാറമ്പള്ളി, എം.ഇ.എസ് എടത്തല, കോതമംഗലം എം.എ കോളജ്, എം.ഇ.എസ് കുന്നുകര തുടങ്ങിയ ഇടങ്ങളിലാണ്​ വിജയിച്ചത്​. സെന്‍റ്​ പോൾസ് കോളജിൽ ലേഡി റെപ് അടക്കമാണ് വിജയിച്ചത്. സെന്‍റ്​ പോൾസ് കോളജിൽനിന്ന്​ എച്ച്.എം.ടി ജങ്​ഷനിലേക്ക് നടത്തിയ പ്രകടനത്തിന് സംസ്ഥാന കാമ്പസ് സെക്രട്ടേറിയറ്റ് അംഗങ്ങളായ ആബിദ് വല്ലപ്പുഴ, ഷിറിൻ സിയാദ്, ജില്ല ജനറൽ സെക്രട്ടറി നസീഫ് ഖാദർ എന്നിവർ നേതൃത്വം നൽകി.