പെൻഷൻ വർധന​ നടപ്പാക്കണം​ -സീനിയർ ജേണലിസ്റ്റ്​സ്​ യൂനിയൻ

കൊച്ചി: 2020-21 സംസ്ഥാന ബജറ്റിൽ സീനിയർ ജേണലിസ്റ്റുകളുടെ പെൻഷനിൽ പ്രഖ്യാപിച്ച 1000 രൂപയുടെ വർധന​ ഉടൻ നടപ്പാക്കണമെന്ന്​ സീനിയർ ജേണലിസ്റ്റ്​സ്​ യൂനിയൻ ആവശ്യപ്പെട്ടു. വർധിപ്പിച്ച പെൻഷനും കുടിശ്ശികയും ഫെസ്റ്റിവെൽ അലവൻസും ഉടൻ നൽകണം. അംഗം മരണപ്പെടുമ്പോൾ പെൻഷന്‍റെ 50 ശതമാനം ആശ്രിതർക്ക്​ നൽകണമെന്നും സംസ്ഥാന കമ്മിറ്റി ആവശ്യപ്പെട്ടു. സംസ്ഥാന പ്രസിഡന്‍റ്​ എസ്​.ആർ. ശക്തിധരൻ അധ്യക്ഷത വഹിച്ചു. കെ. ജനാർദനൻ നായർ, കെ.എച്ച്​.എം. അഷ്​റഫ്​, കെ. രാജൻ ബാബു, എസ്​. രാജശേഖരൻപിള്ള, എം.ടി. ഉദയകുമാർ, കെ. അശോക്​കുമാർ, എ. ഷൗക്കത്ത്​, ഷാജി ജേക്കബ്​, മോഹനൻപിള്ള, ആർ. അശോകൻ, എ. സേതുമാധവൻ, അഷ്​റഫ്​ പാനായിക്കുളം, എ.പി. അബൂബക്കർ, കൃഷ്ണൻകുട്ടി, ജി. പ്രഭാകരൻ, ഹനീഫ കുരിക്കളകത്ത്​, രഞ്ജിത്ത്​ ബാബു, കെ.പി. രവീന്ദ്രനാഥ്​, സി. ശിവൻ എന്നിവർ സംസാരിച്ചു.