കളമശ്ശേരി പോളിടെക്നിക് കോളജിൽ ടെക് ഫെസ്റ്റ് നാളെ

കളമശ്ശേരി: ഗവ. പോളിടെക്നിക് കോളജിൽ എൻജിനീയറിങ്​ വിഭാഗം ടെക്നിക്കൽ, നോൺ ടെക്നിക്കൽ വിഭാഗങ്ങളിലായി ടെക് ഫെസ്റ്റ് നടത്തും. ബുധനാഴ്ച കോളജ് കാമ്പസിൽ നടത്തുന്ന ഫെസ്റ്റിൽ ബിസിനസ്, എക്യുപ്മെന്‍റ്​, ടെക്നോളജി മേഖലയിൽ നവീന പ്രോജക്ട്​ ആശയങ്ങളുടെ അവതരണം, അവയുടെ വർക്കിങ്​ മോഡലുകളുടെ പ്രദർശനം, ശാസ്ത്ര സാങ്കേതിക മേഖലയിൽ ക്വിസ് മത്സരങ്ങൾ, ആട്ടോ കാഡ് ഡിസൈൻ മത്സരങ്ങൾ, ഓട്ടോ ഷോ, ഫോട്ടോഗ്രഫി മത്സരങ്ങൾ എന്നിവ ഉണ്ടാകും. രാവിലെ 9.30ന് ഡോ. സാബു സെബാസ്റ്റ്യൻ ഉദ്ഘാടനം ചെയ്യുമെന്ന് പ്രിൻസിപ്പൽ ആർ. ഗീതാദേവി അറിയിച്ചു.