രാസവള വിലവർധന കോർപറേറ്റുകളെ സഹായിക്കാൻ -കിസാൻ സഭ

കോലഞ്ചേരി: കേന്ദ്രസർക്കാർ കോർപറേറ്റുകളെ സഹായിക്കാനാണ് രാസവളത്തിന്റെ വില വർധിപ്പിച്ച് ഉൽപാദനം കുറച്ചതെന്ന് അഖിലേന്ത്യ കിസാൻ സഭ ജനറൽ സെക്രട്ടറി വി. ചാമുണ്ണി പറഞ്ഞു. എഫ്.എ.സി.ടി കൊച്ചിൻ ഡിവിഷന്റെ അമ്പലമേട് ഓഫിസിന് മുന്നിൽ ജില്ല കമ്മിറ്റി സംഘടിപ്പിച്ച ധർണ ഉദ്ഘാടനം ചെയ്യുകയായിരുന്നു അദ്ദേഹം. മണ്ഡലം പ്രസിഡന്റ് കെ.പി. ഏലിയാസ് അധ്യക്ഷത വഹിച്ചു. സി.പി.ഐ സംസ്ഥാന കൗൺസിൽ അംഗം ബാബു പോൾ, കിസാൻ സഭ ജില്ല പ്രസിഡന്റ് ഇ.കെ. ശിവൻ, സി.പി.ഐ മണ്ഡലം സെക്രട്ടറിമാരായ കെ.പി. റജിമോൻ, എം.പി. ജോസഫ് തുടങ്ങിയവർ സംസാരിച്ചു. ഫോട്ടോ അടിക്കുറിപ്പ്: കിസാൻ സഭ അമ്പലമേട് നടത്തിയ ധർണ അഖിലേന്ത്യ സെക്രട്ടറി വി. ചാമുണ്ണി ഉദ്ഘാടനം ചെയ്യുന്നു