കോതകുളം നവീകരണം ആരംഭിച്ചു

വരാപ്പുഴ: കോട്ടുവള്ളി പഞ്ചായത്ത് ഒന്നാം വാർഡ് കൈതാരം കോതകുളം നവീകരണത്തിന് തുടക്കമായി. കാൽനൂറ്റാണ്ടിലധികമായി കുളം ഉപയോഗശൂന്യമായി കിടക്കുകയാണ്. മാലിന്യം അടിഞ്ഞുകൂടി നികന്നതോടെ മഴക്കാലത്ത് സമീപത്തെ വീടുകളിൽ വെള്ളം കയറി വലിയ ബുദ്ധിമുട്ടാണ് അനുഭവിച്ചിരുന്നത്. പഞ്ചായത്ത് സി.എഫ്.സി ഫണ്ടിൽനിന്ന് 5.72 ലക്ഷം രൂപ ഉപയോഗിച്ചാണ് നവീകരണം നടത്തുന്നത്. നവീകരണ പ്രവർത്തനങ്ങൾ പഞ്ചായത്ത് പ്രസിഡന്‍റ് കെ.എസ്. ഷാജി ഉദ്ഘാടനം ചെയ്തു. വാർഡ് മെംബർ എ.കെ. രാജേഷ് അധ്യക്ഷത വഹിച്ചു. വികസനകാര്യ സ്ഥിരം സമിതി അധ്യക്ഷൻ സെബാസ്റ്റിൻ തോമസ്, വാർഡ് വികസന സമിതി കൺവീനർ സി.ആർ. ജലീൽ എന്നിവർ സംസാരിച്ചു. പടം EA PVR kaal nuttand 2 കൈതാരത്തെ കോതകുളം നവീകരണം കോട്ടുവള്ളി പഞ്ചായത്ത് കെ.എസ്. ഷാജി ഉദ്ഘാടനം ചെയ്യുന്നു