ജസ്റ്റിസ് രോഹിണി കമീഷന് നിവേദനം നൽകും

കോതമംഗലം: സംവരണാനുകൂല്യം നാമമാത്രമായി ലഭിക്കുന്ന സമുദായങ്ങളെയും ഒന്നും ലഭിക്കാത്തതുമായ സമുദായങ്ങളെയും ഒ.ബി.സി പ്രത്യേക ഉപവിഭാഗങ്ങളായി ഉൾപ്പെടുത്തി പ്രത്യേക സംവരണം ഏർപ്പെടുത്തുന്നത് പഠിക്കാൻ നിയമിച്ച റിട്ട. ജസ്റ്റിസ് രോഹിണി കമീഷന് ശ്രീരാമ വിലാസം ചവളർ സൊസൈറ്റി നിവേദനം നൽകും. ഡൽഹിയിൽ ഈ മാസം 15ന് നടക്കുന്ന സിറ്റിങ്ങിൽ സൊസൈറ്റി ജനറൽ സെക്രട്ടറി പി.കെ. അശോകൻ, ഐ.ടി കോഓഡിനേറ്റർ സി.എസ്. വിനീഷ് എന്നിവരാണ് നിവേദനം നൽകുക. ഡൽഹിക്ക് പോകുന്ന സംസ്ഥാന ഭാരവാഹികൾക്ക്‌ കോതമംഗലം യൂനിയൻ കമ്മിറ്റി സ്വീകരണം നൽകി. സംസ്ഥാന വൈസ് പ്രസിഡന്റ് എൻ.കെ. അശോകൻ ഉദ്ഘാടനം ചെയ്തു.