മൂക്കന്നൂരില്‍ വന്യജീവി ശല്യം രൂക്ഷം

അങ്കമാലി: മൂക്കന്നൂര്‍ പഞ്ചായത്തിലെ വനമേഖലയുമായി ബന്ധപ്പെട്ട പ്രദേശങ്ങളില്‍ കാട്ടുപന്നി ശല്യം രൂക്ഷം. കഴിഞ്ഞ ദിവസം പട്ടാപ്പകല്‍ ജനവാസ കേന്ദ്രത്തിലുണ്ടായ കാട്ടുപന്നി ആക്രമണത്തില്‍ ഗൃഹനാഥന് ശരീരമാസകലം പരിക്കേറ്റു. മൂക്കന്നൂര്‍ കോക്കുന്ന് പുല്ലൂത്തിപ്പാടത്തിന് സമീപം കിടങ്ങേത്ത്​ വീട്ടില്‍ കെ.ടി. മാത്തച്ചനാണ് (59) ആക്രമണമേറ്റത്. വ്യാഴാഴ്ച രാവിലെ 7.30ഓടെയായിരുന്നു സംഭവം. വീട്ടുമുറ്റത്ത് നില്‍ക്കുകയായിരുന്ന മാത്തച്ചനെ അപ്രതീക്ഷിതമായി പാഞ്ഞുവന്ന കാട്ടുപന്നി തുരുതുരെ കുത്തുകയായിരുന്നു. മാത്തച്ചന്‍ നിലത്തുവീണിട്ടും ആക്രമണം തുടര്‍ന്നു. നിലവിളി കേട്ട് ഭാര്യ സിനിയും സമീപവാസികളും ഓടിയെത്തി ഏറെ പണിപ്പെട്ടാണ് പന്നിയെ തുരത്തിയോടിച്ചത്. കുറച്ചുനാളായി പ്രദേശത്ത് വന്യജീവികളുടെ ആക്രമണം പതിവായിരിക്കുകയാണ്. നിരവധി പേര്‍ക്ക് പരിക്കേറ്റിട്ടുണ്ട്. ER ANKA 01 ANIMAL കാട്ടുപന്നി ആക്രമണത്തില്‍ സാരമായി പരിക്കേറ്റ മാത്തച്ചന്‍