സർവിസ് സഹകരണ ബാങ്ക് ജീവനക്കാരിക്ക് സസ്​പെൻഷൻ

കളമശ്ശേരി: മറ്റൊരാളുടെ പാസ്​വേർഡ് ഉപയോഗിച്ച് അക്കൗണ്ടിൽ പണം തിരിമറി നടത്തിയതായ ആരോപണത്തിൽ ബാങ്ക് ജീവനക്കാരിക്ക് സസ്​പെൻഷൻ. കളമശ്ശേരി സർവിസ് സഹകരണ ബാങ്കിലെ ശ്രീദേവിയെന്ന ജീവനക്കാരിയെയാണ് ഒരു മാസത്തേക്ക് അന്വേഷണവിധേയമായി സസ്​പെൻഡ്​ ചെയ്തത്. വ്യാഴാഴ്ച ചേർന്ന ബാങ്ക് ഡയറക്ടർ ബോഡ് യോഗത്തിലാണ് തീരുമാനമെന്ന് സെക്രട്ടറി ഡോൺ ഡേവിസ് അറിയിച്ചു. സംഭവത്തിൽ നടപടിയെടുക്കണമെന്നാവശ്യപ്പെട്ട് സി.പി.ഐ ലോക്കൽ കമ്മിറ്റി ബാങ്ക് സെക്രട്ടറിക്ക് പരാതി നൽകി. എന്നാൽ, തിരിമറിയല്ലെന്നും അബദ്ധത്തിൽ സംഭവിച്ച ഒരു പിശകായിരുന്നു സംഭവമെന്നാണ് ജീവനക്കാരിയുടെ കുടുംബം പറഞ്ഞത്.