കർദിനാൾ ജോസഫ് അനുസ്മരണം

കാക്കനാട്: 'കൊച്ചിയുടെ ചരിത്ര വർത്തമാനങ്ങൾ' വിഷയത്തിൽ സംഘടിപ്പിച്ച കർദിനാൾ ജോസഫ് അനുസ്മരണ പ്രഭാഷണം പ്രശസ്ത ചരിത്രകാരൻ എൻ.എസ്. മാധവൻ നിർവഹിച്ചു. ലോകത്തിലെ എല്ലാ മതങ്ങൾക്കും വിവിധ രാജ്യങ്ങളിലെ പൗരന്മാർക്കും സ്വാഗതമരുളുകയും അഭയമാവുകയും ചെയ്തിട്ടുള്ള കൊച്ചി, വിശ്വമാനവികതയുടെ രൂപകമാണെന്ന് അദ്ദേഹം പറഞ്ഞു. എറണാകുളം-അങ്കമാലി അതിരൂപത മെത്രാപ്പോലീത്തൻ വികാരി മാർ ആന്റണി കരിയിൽ അധ്യക്ഷത വഹിച്ചു. കോളജ് മാനേജർ ഫാ. ഡോ. എബ്രഹാം ഒലിയപ്പുറത്ത്, പ്രിൻസിപ്പൽ പ്രഫ. ഡോ. ഷൈനി പാലാട്ടി, അസി. ഡയറക്ടർ ഫാ. ജിമ്മിച്ചൻ കർത്താനം, ലഫ്റ്റനന്റ് നിതിൻ തോമസ് എന്നിവർ സംസാരിച്ചു.