സാമൂഹിക പുരോഗതിക്ക് സകാത്തി‍െൻറ ഫലപ്രദമായ വിനിയോഗം അനിവാര്യം -എം.കെ. മുഹമ്മദലി

സാമൂഹിക പുരോഗതിക്ക് സകാത്തി‍ൻെറ ഫലപ്രദമായ വിനിയോഗം അനിവാര്യം -എം.കെ. മുഹമ്മദലി പെരുമ്പാവൂർ: സാമൂഹിക പുരോഗതിക്ക് സകാത്തി‍ൻെറ ഫലപ്രദമായ വിനിയോഗം അനിവാര്യമെന്ന് പീപ്പിൾസ് ഫൗണ്ടേഷൻ ചെയർമാൻ എം.കെ. മുഹമ്മദലി. സമ്പന്ന‍ൻെറ ഔദാര്യമല്ല സാധുവി‍ൻെറ അവകാശമാണ്​ സകാത്. കേരളത്തിൽ മാത്രം അത് ഫലപ്രദമായി ശേഖരിക്കുകയാണെങ്കിൽ ആയിരത്തിലധികം കോടി രൂപ പ്രതിവർഷം വിനിയോഗിക്കാൻ കഴിയുമെന്ന് അദ്ദേഹം പറഞ്ഞു. പെരുമ്പാവൂർ വളയംചിറങ്ങരയിൽ പീപ്പിൾസ് ഫൗണ്ടേഷൻ-ബൈത്തുസകാത് കേരള ഭവന പദ്ധതിയുടെ ശിലാസ്ഥാപനം നിർവഹിക്കുകയായിരുന്നു അദ്ദേഹം. 20 സെന്‍റിൽ അഞ്ച് വീട്​ ഉൾക്കൊള്ളുന്ന പദ്ധതിയാണ് വിഭാവനം ചെയ്തിട്ടുള്ളത്. ജമാഅത്തെ ഇസ്​ലാമി ജില്ല പ്രസിഡന്‍റ്​ അബൂബക്കർ ഫാറൂഖി അധ്യക്ഷത വഹിച്ചു. ബൈത്തുസകാത് സെക്രട്ടറി ഉമർ ആലത്തൂർ പദ്ധതി വിശദീകരിച്ചു. വാർഡ് മെംബർമാരായ അബിൻ, അനിൽകുമാർ, ഐരാപുരം ജമാഅത്ത് ഖതീബ് സിറാജുദ്ദീൻ അൽ ഖാസിമി, ജമാഅത്തെ ഇസ്​ലാമി ഏരിയ പ്രസിഡന്‍റ്​ എം.ബി. അബ്ദുൽ ഖാദർ, ഏരിയ സമിതിയംഗം ടി.എം. മുഹമ്മദുകുഞ്ഞ്, ഹമീദ് പട്ടത്ത് എന്നിവർ സംസാരിച്ചു. പീപ്പിൾസ് ഫൗണ്ടേഷൻ ജില്ല കോഓഡിനേറ്റർ മുഹമ്മദ് ഉമർ സ്വാഗതവും ഏരിയ കോഓഡിനേറ്റർ പി.എം. നൗഫൽ നന്ദിയും പറഞ്ഞു.