യുദ്ധഭൂമിയിൽനിന്ന്​ സുരക്ഷിതനായി സാൽവിൻ

കൂത്താട്ടുകുളം: യുക്രെയ്​നിൽനിന്ന്​ ഒലിയപ്പുറം വണ്ടാനത്ത് സാൽവിൻ സാബു (19) സുരക്ഷിതനായി നാട്ടിലെത്തി. യുക്രൈനിലെ വി.എൻ കറാസിൻ ഖാർകിവ് നാഷനൽ യൂനിവേഴ്സിറ്റിയിലെ മെഡിസിൻ വിദ്യാർഥിയാണ്​ സാൽവിൻ. തിങ്കളാഴ്ചയാണ് വീട്ടിലെത്തിയത്. അഞ്ചുദിവസം ബങ്കറിലാണ് കഴിഞ്ഞത്. ഈ സമയം ഭക്ഷണവും വെള്ളവും മുടങ്ങാതെ ലഭിച്ചിരുന്നു. ഓപറേഷൻ ഗംഗയുടെ ഭാഗമായി ഹംഗറിയിൽനിന്നുള്ള വിമാനത്തിൽ ഡൽഹി വഴിയാണ് കൊച്ചിയിലെത്തിയത്. കർഷകനായ സാബുവിന്റെയും ദക്ഷിണാഫ്രിക്കയിൽ നഴ്സായ മരിയയുടെയും മൂത്ത മകനാണ്. മൂന്നാം ക്ലാസിൽ പഠിക്കുന്ന എലിസബത്ത് സഹോദരിയാണ്. ഫോട്ടോ : യുക്രൈനിൽനിന്ന്​ സുരക്ഷിതമായി നാട്ടിലെത്തിയ ഒലിയപ്പുറം വണ്ടാനത്ത് സാൽവിൻ പിതാവ് സാബുവിനൊപ്പം