വിദ്യാർഥിനിയെ ശല്യംചെയ്ത യുവാവ്​ അറസ്റ്റിൽ

കാക്കനാട്: വിദ്യാർഥിനിയെ പിന്തുടർന്നും കോളജിൽ കയറിച്ചെന്നും ശല്യപ്പെടുത്തിയെന്ന പരാതിയിൽ യുവാവിനെ അറസ്റ്റ് ചെയ്തു. വൈറ്റില പൊന്നുരുന്നി മാടവനപ്പറമ്പിൽ വീട്ടിൽ അനന്തുവാണ്​ (23) പൊലീസിന്‍റെ പിടിയിലായത്. നഗരത്തിലെ പ്രമുഖ കോളജ് വിദ്യാർഥിനിയുടെ ബാഗ് അനന്തു കോളജിലെത്തി എടുത്തുകൊണ്ടുപോകുകയും ബാഗ് വാങ്ങാൻ ചെന്ന പെൺകുട്ടിയുടെ കൈയിൽ കയറിപ്പിടിക്കുകയുമായിരുന്നെന്ന് പൊലീസ് പറഞ്ഞു. പരാതിയെത്തുടർന്ന് തൃക്കാക്കര പൊലീസ് ഇയാളെ പിടികൂടുകയായിരുന്നു.